Jieleme, kombinasjovne- jïh miehtjiesjielemh, aarvoesjugniedimmie jïh orretseegkemh

Daase maahtah dåarjoem åadtjodh

  • Evtiedimmieråajvarimmieh jïh skåårvemh mah viehkiehtieh orresjugniedimmine jïh sïelteevtiedimmine
  • Laavenjostoeprosjekth jïh sjïehteladtije råajvarimmieh viehkiehtieh sïelte- jïh jielemeevtiedimmine
  • Jielemesiebrieh mah eadtjohkelaakan viehkiehtieh saemien dajvh evtiedidh
  • Evtiedimmieråajvarimmieh jïh skåårvemh mah voenges jåarhkeevtiedimmiem jïh lissiehtamme åesiestimmiem vedtieh beapmojste   saemien dajvijste.
  • Lissiejielemh båatsosne.

Gïeh maehtieh dåarjoem åadtjodh:

  • Sïelth jïh tseegkijh hoksehtimmie- jïh smaaveindustrijen sisnjelen.
  • Aalkoejielemebarkijh mah sijhtieh lissiejielemh tseegkedh jallh guhkiebasse evtiedidh.
  • Jeatjah aktöörh mah jielemeevtiedimmine gïehtelieh.
  • Saemien ïedtje- jïh jielemesiebrieh.
  • Aktegsalmetjh jallh gïehtelimmieh aareh aalkoeboelhken.

Dan jïjnjem maahtah dåarjojne åadtjodh:

  • Raajan 35 % skåårvemidie. Jeenjemes dåarjoe 500 000 kråvnah.
  • Evtiedimmieråajvarimmide jïh skåårvemidie mah voenges jåarhkeevtiedimmiem jïh lissiehtamme åesiestimmiem vedtieh beapmojste   saemien dajvijste, lissiejielemh båatsosne, kombinasjovne- jïh miehtjiesjieliemidie maahtah åadtjodh 50 % dåarjojne skåårvemidie jïh   jeenjemes dåarjoe lea 500 000 kråvnah.
  • Saemien ïedtje- jïh jielemesiebrieh maehtieh raajan 70 % dåarjojne åadtjodh, jeenjemes 80 000 kråvnah.

 Daah lissietjaalegh edtjieh ohtsemem dåeriedidh:

- Prosjektebuerkiestimmie mij daam meatan åtna:

  • Prosjekten ulmie bielieulmiejgujmie
  • Buerkiestimmie ohtsemasse
  • Soejkesje åvtese
  • Gaahtjijebuerkiestimmie
  • Åestijebuerkiestimmie
  • Prosjekten tjirrehtimmievoete /vaahravuarjasjimmie
  • Faageles sisvege jïh ektiedimmie

- Budsjedte åasa-aarvehtsinie, ektiedamme råajvarimmide jïh finansieradimmiesoejkesje

  • Tjoerh åasah vihtiestidh åasafaalenassine

Jeatjah dåarjoekrïevenassh: Vuartesjh njoelkedassh dåarjose jeereldihkie jieliemasse, aarvoesjugniedimmie jïh orretseegkemh.

Govlehtallije: Seniorraeriestæjja Per Oskar Andersen, tlf. 78 47 40 15

Elektrovneles ohtsemegoere

Oversikt over kommuner som er med i virkeområdet for tilskudd til næringsutvikling (STN-området)

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!