Gaavnh gærjah jïh vielie Saemiedigkien gærjagåetesne

Saemiedigkien gærjagåetie lea Karasjohkesne jïh lea akte bielie Saemiedigkien reeremistie.

Gærjagåetien lea Nöörjen stööremes våarhkoe gærjijste jïh jeatjah materijelleste saemien gïeline jïh saemien tsiehkiej bïjre saaht mennie gïelesne. Gærjagåetie lea ræhpas gaajhkesidie.

 

clock.png

Gaahpoehtïjjh:

Gærjagåetie ræhpas måantan – bearjadahken ts. 09.00-15.30.

Löönedh jïh dongkedh

Löönijinie sjïdth

Juktie dongkedh jallh löönedh Saemiedigkien gærjagåeteste tjoerh löönijinie registreradamme årrodh gærjagåetesne. Löönijh jeatjah lehkeste laantesne tjuerieh eeremasth mijjeste löönedh sov lïhkemes gærjagåetien tjïrrh.

Jeatjah gærjagåetijste löönedh - maajelööneme

Jis materijelle maam sïjhth löönedh ij gærjagåetesne gååvnesh, maehtebe dam dutnjien dongkedh jeatjah gærjagåetijste (maajelööneme).

Reserveradidh, dongkedh jïh guhkebe tïjjem löönedh

ORIA:sne maahta gærjaj mietie syökedh. Desnie maahtah aaj reserveradidh, dongkedh jallh guhkiedidh löönemem.

Naemhtie ORIAm nuhtjh

Juktie ORIA:m nuhtjedh datne tjoerh jïjtjemdh löönijinie registereradidh. Dellie aktem löönemekåarhtem åadtjoeh mij aaj dov löönije-ID. Dan mænngan jïjtse baahtsemebaakoem åadtjoeh juktie ORIA:se tjaangedh.

Naemhtie sïjse tjaangh

Diedtieh voestegh svaalhtesem «Logg på» bijjemes åelkiesroenesne oria.no. Nuhtjh dov löönije-ID:m jïh BIBSYS-baahtsemebaakoem.

 Saemiedigkien gærjagåetie ij tjaangemesæjrosne tjåadtjoeh. Tjoerh BIBSYS veeljedh goh institusjovne. Tjaangh dov löönije-ID:ine jïh BIBSYS-baahtsemebaakojne.

Påloggingsveiledning PDF | 540.213 kB

Gærjapaahkh

Gaajhkh gærjagåetieh maehtieh gærjapaahkh (våarhkoe) mijjen luvnie löönedh. Mijjen akte stoerre våarhkoe dovne faagelidteratuvreste jïh tjiehpieslidteratuvreste maanide jïh geerve almetjidie, ovmessie saemien gïeline. Lissine maahta dovne DVD:h, CD:h jïh tjoejegærjah mijjeste löönedh. Gaajhke tjåanghkan bïejesåvva löönijen/gærjagåetien sjaavnjoej mietie.
Gåarede guhkiebasse leejjedh.

Gaskesadth mijjem gærjapaahki bïjre

E-påaste: sambib@samediggi.no
Tellefovne: +47 78 47 40 00

Naestievåarhkoe

Naestievåarhkosne medtie 1200 tihtelh, mah leah saemien tsiehkiej bïjre jallh leah tjaalasovveme aktene dejstie saemien gïelijste. Jeanatjommes dejstie tihtelijstie lea vielie goh 100 jaepien båeries.

Våarhkosne antikvarijes, sveekes, båarasåbpoe jïh vyörtegs gærjah jïh tjaalaldahkh, jïh såemies kaarhth bååstede jaapan 1669. Lissine såemies tihtelh dejstie minngemes 100 jaepijste mah sjïere aarvoem utnieh.

Daelie aadtjen våarhkoem gïehtjedamme jïh gaajhkh tihtelh leah registreradamme gærjagåetiesysteemesne. Gåarede dan åvteste dej mietie syökedh seammalaakan goh jeatjah tjaatsegi mietie syökoe.

Doh jeanatjommes tjaatsegh naestievåarhkosne låhkoeh utnieh magasijnesne mejtie gåarede löönedh, men låhkoeh naestievåarhkosne eah gåaredh löönedh. Maahta muvhti veajkoej dejtie veedtjedh jïh lohkedh gærjagåetesne.

Bæjhkoehtimmieh naestievåarhkosne leah naemhtie daelie:

  • Ovrehte10 tihtelh 1600-låhkoste
  • 80 tihtelh 1700-låhkoste
  • 430 tihtelh fra 1800-låhkoste

Dejstie båarasommes gærjijste våarhkosne maahta neebnedh Manuale Lapponicum maam Olaus Stepani Graan (Stuehkie 1669) lea tjaaleme jïh Lapponia maam Johannes Schefferus lea tjaaleme, jieniebinie låhkojne 1674 raejeste jïh åvtese.

Aalkoealmetjevåarhkoe

Saemiedigkien gærjagåetie aktem jïjtse aalkoealmetjevåarhkoem tseegki 2014.

Aalkoealmetjevåarhkosne tjaatsegh aalkoealmetji bïjre abpe veartenisnie, jïh desnie medtie 200 tihtelh. Gærjah mejtie Saemiedigkie lea tjöönghkeme jïh vadtesinie åådtjeme  leah registreradamme jïh dïllesasse dorjeme löönemasse/maajelöönemasse.

Saemien bibliografije

Saemien bibliografije Nöörjesne Universiteetegærjagåetesne Tråantesne eelki 1980, åvtelen byögkeleslaakan juhti Nasjonaalegærjagåatan 1993. Ovrehte göökteluhkie jaepiej juassah eelki soptsestidh mejtie lij nuepie aktem ektie saemien bibliografijem darjodh gusnie våarome lij doh saemien bibliografijh mah Russlaantesne, Såevmesne, Sveerjesne jïh Nöörjesne dorjesuvvieh. Doh golme jeatjah laanth leah viehkiehtamme daam barkoem illedh laavenjostosne BIBSYS:ine mij aaj daam dïenesjem jåhta. 

Gaskesadth gærjagåetiem

Følg biblioteket i sosiale medier

Fagleder bibliotek



Bibliotekar



Konsulent bibliotek



Sekretær kommunikasjon



Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!