Daelie maahtah kandidaath raeriestidh gïeleskreejremeåasese

Daajrah naakenem mij gymhpeme nænnoestehtemen, evtiedimmien jïh vaarjelimmien åvteste saemien gïelijste? Daelie tïjje vihth båateme kandidaath raeriestidh Saemiedigkien gïeleskreejremeåasese 2017.

Sagka Stångberg (foto Andreas Stångberg -Sámediggi).JPG
Sagka Stångberg Deartnás eret oaččui Sámedikki giellamovttiidahttinbálkkašumi 2009:s. Govas maiddái dalá presideanta Egil Olli ja ráđđelahttu Marianne Balto. (Govven: Andreas Stångberg/Sámediggi)

Ođas: Almmuhuvvon

Gïeleskreejremeåasa vadtasåvva fïerhten njealjeden jaepien Saemiedigkeste, jïh maahta vadtasovvedh akten almetjasse jallh sïeltese, prosjektese jallh seabran mij lea jïjnjem barkeme juktie saemien gïelh nænnoestehtedh, evtiedidh jïh vaarjelidh. Åasa lea 50 000 kråvnah jïh akte tjeahpoediplome.

Saemiedigkie muana gie edtja åasam åadtjodh. Åasa vadtasåvva Saemiedigkien stoerretjåanghkoen sjïekenisnie ruffien.

- Gellie saemien gïelegæmhpojh, dovne aktegsalmetjh, siebrieh jïh institusjovnh mah leah dorjeme jïh annje darjoeh aktem joekoen hijven barkoem saemien gïeli gaavhtan. Mijjieh saemiedigkieraeresne aavoedibie gellie kandidaat dåastodh jïh vuarjasjidh, jïh mijjieh tjarke aavoedibie Gïeleskreejremeåasam vedtedh govhteden aejkien daelie, saemiedigkieraerie Lars Filip Paulsen jeahta, mij dïedtem åtna gïeli åvteste saemiedigkieraeresne.

Minngemes aejkien åasa vadtasovvi lij 2013. Dellie tjaelije, joejkije jïh lohkehtæjja Ánte Mihkkal Gaup/Ingor Ántte Ánte Mihkkal Guovdageaidnuste dam åadtjoeji.

Saemien gïeleraerie gïeleskreejremeåasam tseegki jaepien 2000 jïh åasa voestes aejkien vadtasovvi Saemiedigkien stoerretjåanghkoen sjïekenisnie gålkoen 2000. Dan mænngan Saemiedigkien gïeleståvroe jïh saemiedigkieraerie åasam vadteme. Saemiedigkien gïeleskreejremeåasa vadtasovvi Eejhtegedåahkan Divtasvuodnesne jaepien 2000, Gïeledåehkie Skånlandesne dam åadtjoeji 2001, Harry Solhaug Kåfjordeste jaepien 2002, jïh Sagka Stångberg Dearneste dam åadtjoeji 2009.

Gaajhkesh maehtieh raeriestimmine båetedh gie byöroe gïeleskreejremeåasam vitnedh, jïh tïjjemierie juktie raeriestimmieh seedtedh lea voerhtjen 30.b. Seedth raeriestimmide diekie: samediggi@samediggi.no.

 

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!