Jis doesth gihtjedh, almetjh duestieh vaestiedidh

- Mijjieh aktem sjeavodsvoetekultuvrem utnebe gelline dejstie saemien siebriedahkijste. Vædtsoesvoeten bïjre soptsestidh ij jååhkesjamme sjidth jeenjebistie. Dïhte maahta skaarine sjïdtedh abpe fuelhkien earose, jaa dagke aaj saemien siebriedahken earose. Vædtsoesvoete ij leah akte privaate aamhtese maam edtja sisnjelds loetedh. Vædtsoesvoete ij leah luhpehts jïh reaktasuerkie edtja dam gïetedidh, jïh dan åvteste tjuara vædtsoesvoetem pollisese bievnedh, saemiedigkieraerie Mariann Wollmann Magga jeahta.

Ođas | Almmuhuvvon , ođasmahtton

Saemiedigkie jïh Nasjonaale daajroejarnge vædtsoesvoeten jïh traumatiske raessien bïjre bæjhkoehti reektehtsem «Jis doesth gihtjedh, almetjh duestieh vaestiedidh», - viehkieabparaaten jïh pollisen dååjrehtimmieh vædtsoesvoetine lïhke fuelhkine saemien siebriedahkine.

Reektehtsen våarome lea soptsestallemh faagealmetjigujmie jïh viehkieabparaatine saemien dajvine, jïh tjoevkesem beaja guktie saemien leerhkehtallijh dååsteme sjidtieh viehkieabparaateste. Reektehtse aaj goerehte mejtie lea tsiehkieh saemien siebriedahken sisnie jallh ålkolen mah gaavnoem vædtsoesvoeteste tsevtsieh.

- Saemien siebriedahke daarpesje mytam nåhkehtidh dan veaksehke saemien bïjre mij edtja gaajhkem töölledh. Vuajnoeh mah jiehtieh saemien nïejth jïh nyjsenæjjah edtjieh vædtsoesvoetem töölledh sijjen lïhkemes fuelhkeste tjoerebe nåhkehtidh, Wollmann Magga jeahta.

- Mijjieh aktem siebriedahkem daarpesjibie gusnie ij leah naan toleranse vædtsoesvoetese. Dïedte vædtsoesvoeten jïh daaresjimmien åvteste lea daaresjæjjan luvnie, ij leerhkehtallijen luvnie, Magga jeahta.

Gïele- jïh kultuvremaahtoem fååtese

Reektehtsisnie vååjnesasse båata jeenjesh vuelege seahkarimmiem pollisese jïh viehkieabparaatese utnieh.

- Vihkeles saemien gïele- jïh kultuvremaahtoem utnedh healsoeabparaatesne jïh pollisesne. Leevles persovneles daaresjimmiej bïjre soptsestidh bööremeslaakan jïjtse ietniengielesne dorje akten viehkieabpaaratese mij guarka mennie siebriedahkesne datne veasoeminie, saemiedigkieraerie Mariann Wollmann Magga jeahta.
Wollmann Magga lea geerjene ihke viehkieabparaate byjhkesje dah tjuerieh væjkalåbpoe sjïdtedh ryöktesth gihtjedh vædtsoesvoeten bïjre.

- Reektehtse akte vihkeles dïrrege Saemiedægkan sjædta åvtese. Åejvieladtjh tjuerieh daam itjmieslaakan vaeltedh jïh vihties råajvarimmiejgujmie nierhkedh saemien siebriedahkine ektine. Tjoerebe vielie daajroem jïh dotkemem suerkesne åadtjodh, seamma tïjjen tjoerebe riejries årrodh sjeavodsvoetem tsööpkedh jïh orrijidh sinsitniem tsaepmedh, saemiedigkieraerie Mariann Wollmann Magga jeahta.

Vielie bïevnesh:

Saemiedigkieraerie Mariann Wollmann Magga, 977 02 350

Nasjonalt kunnskapssenter om vold og traumatisk stress

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!