Revideradamme nasjonaalebudsjedte tjuara signaaline årrodh saemien gïelem jïh kultuvrem lutnjedh

Reerenasse raereste revideradamme staatebudsjedtene duarstan voerhtjen 11.b. dåarjoem lissiehtidh saemiengïeleldh maanagïertide 5 millijovnh kråvnajgujmie, Aarborten tjïeltem meatan vaeltedh saemien gïelen reeremedajvese jïh guhkiebasse gïehtelimmiem hoksedh Gaske-Nöörjen saemieskovleste Aarbortesne, men reerenasse ij sïjhth aktem orre budsjedtemaallem Saemiedægkan jïh saemien åssjelidie tseegkedh, guktie Stoerredigkie lea dejtie birreme vuarjasjidh.

Ođas | Almmuhuvvon

- Hijven reerenasse raereste dåarjoem lissiehtidh saemien maanagïertefaalenasside 5 millijovnh kråvnajgujmie revideradamme nasjonaalebudsjedtesne, men numhtie lea amma reaktoe aaj, gosse nöörjen maanagïertesuerkie aktem stoerre lissiehtimmiem åtneme stoerredigkieboelhken, saemiedigkiepresidente Vibeke Larsen jeahta.

- Saemien åssjelh, goh lïerehtimmie, jielemeevtiedimmie jïh kultuvreråajvarimmie, aktem tjïelke giehpiedimmiem dåarjojne åtneme dej minngemes jaepiej, viertiestamme seammaligke nöörjen suerkiejgujmie. Manen veeljem guarkedh dïhte lissie dåarjoe revideradamme nasjonaalebudsjedtesne goh akte signaale reerenasse staatebudsjedtesne tjaktjese sæjhta budsjedtem Saemiedægkan jïh saemien åssjelidie lutnjedh, Larsen jeahta.

Saemiedigkie lea rååresjimmine orreme akten orre budsjedtemaallen bïjre Saemiedægkan juktie stuerebe veanhtadihksvoetem jïh tsevtsemefaamoem sjugniedidh budsjedtemieriej bijjeli Saemiedægkan jïh saemien åssjelidie, bielelen sïemesvoetem buektiehtidh dan bïjre.   

- Dan åvteste Stoerredigkie lea reerenassem birreme aktem orre budsjedtemaallem vuarjasjidh Saemiedægkan bielelen reerenasse raeriestimmine båata dan bïjre, dellie veanhtedem Stoerredigkie daelie dïedtem vaalta jïh birrie reerenassem aktem budsjedtemaallem sjïehtesjidh mij Saemiedigkiem tsevtsemefaamoem gorrede budsjedtemieriej bijjelen Saemiedægkan jïh saemien åssjelidie, jïh mij våaroemasse beaja Saemiedigkie akte almetjeveeljeme årgaane, jïh ij akte staateles etaate, Larsen minngemosth jeahta.

Vielie bïevnesh: Saemiedigkiepresidente Vibeke Larsen, 941 30 116 jallh e-påaste: vibeke.larsen@samediggi.no

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!