Ryöjredimmieh orre saemiedigkieboelhkese

 Daate sjugniehtåvva veeljemistie goske dïhte orre Saemiedigkie lea konstitueradamme.

DCFI0810p.jpg
FOTO | Sámedikki dievasčoahkkinlatnja/Sametingets plenumssal

Ođas | Almmuhuvvon , ođasmahtton

Veeljemen mænngan Saemiedigkie edtja veeljemeilledahkem jååhkesjidh jïh tjirkijidie joekedidh Saemiedigkien stoerretjåanghkoeståvrose, faagemoenehtsidie jïh jeatjah moenehtsidie mejtie Saemiedigkie lea tseegkeme. Rïhkeden/golken 11.b. Saemiedigkien orre 4-jaepien bolhke rïhpeste.

 Gosse veeljemeilledahke jïh luhpiedimmieh saemieveeljemeståvrojste gååvnesieh, ryöjreden luhpiedimmiemoenehtse edtja dejtie åvtelhbodti luhpiedimmide gïehtjedidh. Daate moenehtse veeljesovvi minngemes stoerretjåanghkosne. Goske luhpiedimmieh leah jååhkesjamme doh orre tjirkijh leah ajve annjebodts.

 Gosse doh orre saemiedigkietjirkijh gaavnedieh rïhkeden/golken 11.b., stoerretjåanghkoe konstituteradamme sjædta. Gosse tjirkijh sijjiem vaeltieh stoerretjåanghkoesavkesne, dellie tjahkasjieh sijjen veeljemegievlien mietie. Veeljemeilledahke nænnoste raaktan gusnie fïereguhte edtja tjahkasjidh. Jïjtsh sijjieh presidentese jïh raerielïhtsegidie.

Veeljemegievlien voestes tjirkije luhpiedimmide buakta. Dan mænngan stoerretjåanghkoe luhpiedimmiemoenehtsem veeljie mij edtja dam minngemosth jååhkesjimmiem luhpiedimmijste darjodh. MInngeben biejjien stoerretjåanghkoe vihth gaavnesje jïh dellie Saemiedigkie dam minngemosth jååhkesjimmiem veeljemeilledahkeste dorje, jïh destie aaj tjirkijijstie. Dan mænngan stoerretjåanghkoe aalka barkedh jïh voestegh stoerretjåanghkoen ståvroem veeljie.  Mænngan tjåanghkoeståvroe lea veeljesovveme, dah stuvremem vaeltieh Saemiedigkien stoerretjåanghkoste.

Dellie stoerretjåanghkoe Saemiedigkien presidentem veeljie, mij sov politihkeles bæjhkoehtimmiem buakta jïh raerielïhtsegidie nammohte. Presidente jïh raerielïhtsegh eah leah vielie stoerretjåanghkoetjirkijh jïh dej sæjjasadtjh stoerretjåanghkose tjaengieh.

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!