Barkoesijjie lea aktene dejstie Saemiedigkien kontovresijjijste gusnie kontovresijjie gååvnese. Daelie gåaroes kontovrh utnebe daejnie sijjine, Kárášjohka, Guovdageaidnu, Gáivuotna, Skánit, Snåase jïh Divtasvuodna.

Barkoelaavenjassh:

Åejviebarkoeh sijhtieh årrodh åarjelsaemien terminologije- jïh normeradimmiebarkoe Saemien Gïelegaaltijisnie.Saemien Gïelegaaltije akte noerhtelaanti gïelelaavenjostoeårgaane. Daate barkoe Saemien Parlamentarihkeles Raerien nuelesne jåhta, goh dïhte bijjemes nænnoestimmieårgaane saemien gïelefaageles gyhtjelassine

Saemien Gïelegaaltijen barkoelaavenjassh leah saemien gïelefaageles evtiedimmie: orre terminologije jïh normeradimmie tjaelemegïeleste jïh aaj gïelesåjhtoe. Saemien Gïelegaaltije namhtah gïeleldh bïhkedimmiem gïeleutniejidie faalehte, v.g. journalistide, jarkoestæjjide, tjaeliejidie, studentide jnv. Saemien Gïelegaaltije iktemierien gïelegyhtjelassh vaestede e-påasten, tellefovnen, Facebook-sæjroen jïh nedtesæjroen (www.giella.org) tjïrrh. Saemien Gïelegaaltijen leah vïjhte gïeleseksjovnh: åarjel, julev, jïh noerhtesaemien, jïh aaj inari- jïh luvliesaemien gïeleseksjovnh.

Saemien gïelebarkije laavenjassine  åtna v.g. aamhtesereerijinie jïh tjaeliejinie årrodh Saemien Gïelegaaltijen åarjelsaemien gïeleseksjovnese. Gïeleseksjovne gyhtjelassh gïetede mah leah normeradimmien bïjre orre terminologijeste jïh tjaelemegïeleste. Tjuara veanhtadidh ånnetji fealadidh. Barkoen tjïrrh maahta aaj jeatjah laavenjassh åadtjodh mah leah Saemiedigkien barkose ektiedamme.

Maahtoeh:

Sïjhtebe ohtsije åarjelsaemien ööhpehtimmiem åtna jïlleskuvleste/universiteeteste, unnemes bachelordaltesisnie. Guhkies jïh sjyöhtehke barkoedååjrehtimmie åarjelsaemien gïelefaageles barkoste maahta faatoes ööhpehtimmiem kompenseradidh. Sijhtebe barkoedååjrehtimmiem plearoeh laavenjassijste, daajroem åarjelsaemien gïeletsiehkien jïh saemien siebriedahketsiehkiej bïjre krööhkestidh  .  Maahtoe åarjelsaemien gïelesne, dovne njaalmeldh jïh tjaaleldh lea akte krïevenasse.  

Mijjieh krööhkestibie:

  • Væjkele govlesadtedh jïh laavenjostedh
  • Hijven tjaaleldh jïh tjaaleldh buektemevoete
  • Maahta jïjtjeraarehke jïh ulmien vööste barkedh
  • Faegnelesvoete

Baalhka- jïh barkoetsiehkieh:

Baalhka lea staaten regulatijven mietie barkoekodesne 1408 voesteskonsulente jallh 1434 raeriestæjja. Ohtsijh sjïere maahtojne maehtieh  barkoekodese 1364 seniorraeriestæjja bïejesovvedh.

  • Baalhkeste 2 % Statens pensjonskassese geasalguvvieh
  • Hijven lööneme- jïh pensjovneöörnegh Statens pensjonskassesne
  • Fleksijbele barkoetïjje jïh jeatjah hijven tryjjesvoeteöörnegh
  • Hijven barkoebyjrese gusnie datne akte dejstie dåarjoehtæjjijste

Saemiedigkien reereme edtja dan gåhkese gåarede gellievoetem årroji luvnie vuesiehtidh. Akte barkijepolitihkeles ulmie aktem jïebne aaltere- jïh tjoeleektiedimmiem jaksedh, jïh almetjh dåårrehtidh unnebelåhkoe- jïh aalkoealmetjemaadtojne.

Saemiedigkien lea latjkoe Inkluderende Arbeidsliven bïjre (IA) jïh krööhkeste barkoetsiehkide sjïehteladtedh fïerhten barkijasse. Ohtsijh mah eah saemien maehtieh gosse aelkieh maehtieh krïevenassem åadtjodh saemien lïerehtimmiem vaeltedh.

Gaajhkesidie mah Finnmaarhkesne jïh Noerhte-Romsesne årroeminie, 10 % aarvoegiehpiedimmie lea faamosne studijelaajkoste Statens lånekassesne, raajan 25.000 kråvnah jïh sjïere skaehtiefradrage.

Jeatjah gaavhtan barkijh seehtemem åadtjoeh daaletje laaki, njoelkedassi jïh sjïehtedimmiej mietie, daan nuelesne baalhka jïh pensjovne, jïh 6 askh pryövetïjje.

Gaskese:

Vielie bïevnesh barkoen bïjre åadtjodh jis gaskesadth:

Ohtseme:
Ohtseme, væhnadassh jïh vihtienassh  elektrovneles seedtesuvvieh svaalhtesen tjïrrh daennie sæjrosne “Søk stillingen”.

Mænngan ohtsememierie nåhkeme ohtseme ohtsijelæstoe dorjesåvva. Laaken mietie offentleglova  § 25 ohtsijen nomme maahta bæjhkoehtamme sjïdtedh jalhts ohtsije lea maadteme satne ij sïjhth ohtsijelæstosne tjåadtjodh.

Ohtsh barkoem

Ohtsememierie

31.01.2019

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!