Ræhpas barkoe: Voesteskonsulente/raeriestæjja - gïeleråajvarimmie

Saemiedigkien gïelegoevtesisnie akte ihkuve barkoe aamhtesereerijinie gååvnese. Aalkoe dallah. Barkoesijjie lea Saemiedigkien kontovresijjie Snåasesne jallh Aarbortesne.

Ođas | Almmuhuvvon , ođasmahtton

Barkoelaavenjassh 

Barkoen åejvielaavenjassh:

  • Raeriestimmieh Vaajmoegïelesne soejkesjidh jïh bæjjese fulkedh
  • Raerieh vedtedh jïh Saemiedigkien gïeleråajvarimmieh eevtjedh åarjelsaemien aamhtesi bïjre
  • Gïeleråajvarimmiejgujmie nïerhkedh jïh vihties gïeleråajvarimmieh bæjjese fulkedh
  • Konferaansh jïh seminaarh soejkesjidh jïh öörnedidh
  • Gaskesem jïh tjåanghkoeh årrojigujmie hööltedh
  • Aamhtesereereme, reekteme jïh evalueradimmie
  • Jeatjah faageles evtiedimmie Saemiedigkien gïelefaageles barkosne

Barkose aaj jeatjah laavenjassh maehtieh bïejesovvedh mah Saemiedigkien barkose govlesuvvieh.
Tjuara barkosne fealadidh.

Maahtoeh 

Barkose daerpies ööhpehtimmine jïlleskuvleste/universiteeteste unnemes bachelordaltesisnie, siebriedahkefaagen jallh jeatjah sjyöhtehke faagesuerkiej sisnjeli jallh faagesuerkiej sisnjeli mah leah gïelese ektiedamme.

Dïhte guhte barkoem åådtje tjuara saemien jïh nöörjen maehtedh, njaalmeldh jïh tjaaleldh. Sïjhtebe leavloem bïejedh daajrose åarjelsaemien gïelesne. Lissine daerpies daajrojne saemien siebriedahketsiehkiej bïjre, jïh joekoen vihkeles siebriedahkem jïh gïeletsiehkiem åarjelsaemien dajvine damtedh.

Haarjanimmie jïh dååjrehtimmie barkoste gïelereereminie jïh byögkeles reereminie aaj vihkeles.

Lissine leavloe bïejesåvva daase:

  • Væjkele gaskesadtedh jïh laavenjostedh
  • Hijven njaalmeldh jïh tjaaleldh buektememaahtoe
  • Maahta jïjtjeraarehke jïh ulmien vööste barkedh
  • Faegneles
  • Ohtsije barkose sjeahta

Baalhka- jïh barkoetsiehkieh 

Baalhka lea staaten regulatijven mietie barkoekodesne 1408 voesteskonsulente jallh 1434 raeriestæjja.

  • Baalhkeste 2 % Statens pensjonskassese geasalguvvieh
  • Hijven lööneme- jïh pensjovneöörnegh Statens pensjonskassesne
  • Fleksijbele barkoetïjje jïh jeatjah hijven tryjjesvoeteöörnegh
  • Hijven barkoebyjrese gusnie datne akte dejstie dåarjoehtæjjijste

Saemiedigkien reereme edtja dan gåhkese gåarede gellievoetem årroejinie speejjeldidh. Akte barkijepolitihkeles ulmie lea balaansem
buektiehtidh gosse lea aalteren jïh tjoelen bïjre, jïh almetjh unnebelåhkoe- jïh aalkoealmetjemaadtojne dåårrehtidh.

Saemiedigkien lea latjkoe Inkluderende Arbeidsliv (IA), jïh krööhkeste barkoetsiehkide sjïehteladtedh fïereguhten barkijasse.

Gaajhkesidie mah Finnmarhkesne jïh Noerhte-Romsesne årroeminie 10 % giehpiedimmie studijelaajkoste Statens lånekassesne lea faamosne fïerhten jaepien 25 000 kråvnaj raajan, jïh sjïere skaehtiegiehpiedimmie.

Lissine barkijh seehtemem åådtje sïejhme laaki, njoelkedassi jïh latjkoej mietie, daan nuelesne baalhka jïh pensjovne, jïh 6 askh pryövetïjje.

Gaskese 

Vielie bïevnesh barkoen bïjre åadtjodh jis gaskesadth:

Ohtseme 

Ohtsije edtja væhnadassh jïh vihtienassh elektrovneles seedtedh daan svaalhtesen baaktoe sæjrosne «Søk stillingen».

Mænngan ohtsememierie lea nåhkeme, byögkeles ohtsijelæstoe dorjesåvva. Byögkelesvoetelaaken § 25 mietie maahta bïevnesh ohtsijen bïjre bæjhkoehtidh jalhts ohtsije leah maadteme ij satnem ohtsijelæstosne tjaeledh.

Ohtsh barkoem

Ohtsememierie

Voerhtjen 1.b. 2020

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!