Darjoeh vueliem jïh vitnh 20 000 kråvnah

Mijjieh datnem haestebe vueliem saemien gïelide darjodh daelie gosse aalkoealmetjegïeli gaskenasjonaale jaepie.

Ođas | Almmuhuvvon , ođasmahtton

Vueliegaahtjemen tjïrrh, Saemiedigkie NRK Sápmine ektine, sæjhta vueliem jïh saemien gïelh åvtese lutnjedh goh bielie saemien gïelelåhkoste 2019.

 – Gaajhkesh mah sijhtieh maehtieh vueliem darjodh gïelelutnjemasse, Saemiedigkien goevtesedirektööre Anne Britt K. Hætta jeahta.

Vuelie edtja guvviem vedtedh saemien gïelijste, saemien siebriedahkeste jallh gïelelutnjemistie.

– Vuelie viehkehte gïelem lutnjedh. Vuelie bielie saemien kultuvreste, jïh saemien aerpievuekijste. Dan åvteste vuelie vihkeles gosse edtja gïelem eevtjedh, Hætta jeahta.

Maahtah joejkedh jïh åenehks raajesh vualan darjodh. Edtja aerpievuekien saemien vueline årrodh, musihken namhtah.

Preemije lea 20 000 nöörjen kråvnah.

Vuelie maahta ryöhkedh golme minudti raajan.

Mierie juktie vueliem vueliegaahtjemasse seedtedh lea golken 6.b.

Vuelieh mah finaalese båetieh sïjhtebe bæjhkoehtidh golken 9.b. Dan mænngan maahtah vuelide goltelidh jïh dov steemmam vedtedh dov lyjhkedevualan. Steemmadimmie vaasa golken 16.b. raajan.

Sïjhtebe vitnijevueliem bæjhkoehtidh dæjstan, golken 22.b.

Naemhtie vueliem sïjse seedth

Datne vueliem darjoeh. Ij guhte leah vueliem byögkeles bæjhkoehtamme aarebi.

Datne jïjtjemdh filmedh mobijletellefovnine gosse joejkh.

Dan mænngan tjaangh: https://bidra.nrk.no/joik jïh dov videovestuhtjem sïjse leessh jïh seedth.

Jis dov leah gyhtjelassh, gaskesadth direktöörem Saemiedigkien Gïelegoevtesisnie Anne Britt K. Hætta + 47 78 48 42 91, jallh faageåvtehke Per Johannes Marainen, +47 78 48 42 78.

Regler joikekonkurranse WORD | 13.941 kB

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!