PRM: Arctic Indigenous Design Archives 2 dåarjoem åådtje Saemiedigkeste

Saemiedigkieraerie lea 150 000 kråvnah dåårjeme AIDA 2-prosjektese, mij akte laavenjostoeprosjekte gaskem Saemien jïlleskuvle, Saemien våarhkoe Såevmesne jïh Ájtte museume Sveerjesne.

Ođas | Almmuhuvvon

Saemien jïlleskuvle, Saemien våarhkoe Ánarisnie Såevmesne jih Ájtte museume Jåhkåmåhkesne Sveerjesne leah 2017 raejeste 2019 raajan Interregprosjektem AIDA - Arctic Indigenous Design Archives tjïrrehtamme, jïh daelie sijhtieh daam prosjektem jåerhkedh aktine golmenjaepien prosjektine, man nomme AIDA 2.

AIDA:n ulmie lea orreme våarhkoem tseegkedh vytnesjæjjide jïh tjiehpiedæjjide, juktie naemhtie saemien hammoedimmiedaajroem vaarjelidh jïh vuesiehtidh guhkiebasse. Prosjektesne materijaalem vöörhkeme mij lea tjöönghkesovveme duedtieprosessine, goh sjissah, barkoepryövh, guvvieh, prievieh jïh maarhkededoekemematerijaale.

Duedtie-våarhkoeh åtnasuvvieh Saemien jïlleskuvleste duedtieööhpehtimmesne. Studeentide Saemien jïlleskuvlesne våarhkoeh jïh museume leah skraejriegaaltije lïerehtimmesne, gusnie aerpievuekien duedtine jïh vytnesjæjjaj persovneles histovrijinie åahpenieh, jïh aaj lierieh hammoedimmieåssjalommesidie digitaalelaakan vuesiehtidh.

Daelie prosjekte sæjhta jåerhkedh dåarjojne Saemiedigkeste, jïh prosjekten åvtehke lea duedtieprofessovre Gunvor Guttorm. AIDA 2-prosjektesne edtja leavloem bïejedh innovasjovnese gusnie duedtie jïh våarhkoe edtjieh våaroeminie årrodh, seamma tïjjen goh edtja illedahkide orrelaakan vuesiehtidh. Prosjektesne sijhtieh barkoevuekide «aalkoealmetji vuekiej mietie»ï, mij sæjhta jiehtedh barkoevuekide saemien goerkesasse jïh vuekide sjïehtedidh. 

–Joekoen hijven laavenjostoe institusjovni gaskem saemiedehtemem eevtjie dej barkojne, seamma tïjjen goh dïhte tjïelke nåhtojne sjædta saemien vytnesjæjjide, saemiedigkiepresidente Aili Keskitalo (NSR) jeahta.

Dah edtjieh AIDA 2-prosjektem golme njieptjine tjirrehtidh. 2020 AIDA 2 sæjhta hammoedimmiem jih laavenjostoem aktöörigujmie prioriteradidh. 2021 sæjhta aalkoealmetji våarhkoeh, kurateringem jih sjïehtedimmiem goerehtidh. 2022  innovasjovnem jih tseegkemem orre duedtienuepijste jarngesne åtna.

–Vihkeles duedtiem orrestidh duedtieinnovasjovni tjïrrh. Joekoen vihkeles vytnesjæjjah daelie nåhtoem innovasjovneste åadtjoeh jïh åadtjoeh barkedh juktie orre maarhkedem jaksedh mij lea båetijen aajkan sjïehtedamme, saemiedigkieraerie Silje K. Muotka (NSR) jeahta.

Dåarjoe lea vaaltasovveme dåarjoeöörnegistie Regijovnaale evtiedimmie.

Jis gihtjehtimmiem sïjhth jallh dov leah gyhtjelassh, gaskesadth saemiedigkieraeriem Silje Karine Muotka (NSR), mob. +47 984 87 576, silje.karine.muotka@samediggi.no

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!