PRM: Dåarjoem vadta åarjelsaemien gaavnedimmiesæjjan

Saemiedigkieraerie 50.000 kråvnah dåarjojne vadta öörnedæmman Sjeltie 2019 – Maajehjaevrie/Majavatn goh saemien kultuvre jïh gïeleareena, mij öörnesovvi minngemes giesien.

Ođas | Almmuhuvvon

Sjeltie 2019 Sjeltie 2019 öörnedimmiem Sjeltie 2018 jåarhka mij Maajehjaevriedajvem jïh Majavass-sjeltiem jarngese bïeji goh årganisasjovnehistovrijes areena.

Maajehjaevrie jih Majavass-sjeltie lea dejpelistie akte sijjie orreme saemide Nååmesjevuemeste jïh Helgelaantedajveste. Dah mah Sjeltiem öörnedieh sijhtieh dam åarjelsaemien aerpievuekiem jealajehtedh – Maajehjaavran tjåanghkenidh jovnesåhkoej  jïh Sjeltiem akten eadtjohke jïh jielije kultuvre- jïh saarnomesæjjan darjodh.

– Sjeltie 2019 vååjnoe goh vihkeles gaavnedimmiesijjie åarjelsaemide Maajehjaevriedajvesne, jïh sjyöhtehke teemah saemien siebriedahkesne bæjjese vaalta saemiedigkieraerie Berit Marie E. Eira jeahta.

Dan gaavhtan 2019 lea aalkoealmetji gaskenasjonaale sïelejaepie, saemien gïele lij jarngesne Sjeltesne 2019. Lij dovne kuvsje/teemaiehkede noeride saemien beapmoen bïjre dejtie mah gåetieluhpesne årroeh, jienebh håalomh gaskem jeatjah saemien gïelen jïh gïeledotkemen bïjre, sosijaale gaavnedimmie saemien beapmojne jïh saemien gyrhkesjimmie aejlegen. 40 almetjh öörnedæmman böötin jïh abpe öörnedimmie lij Sjeltien jïjtse lokaalesne Maajehjaevresne.

Dåarjoe 50.000 kråvnine lea vaaltasovveme dåarjoeöörnegistie Regijonaale evtiedimmieprosjekth. Sjeltie 2019 lea aaj 50.000 kråvnah dåarjojne åådtjeme Nordlaanten fylhkentjïelteste jïh dåarjoe lea dan åvteste dåarjoekrïevenassi mietie regijonaale evtiedimmieprosjektide.

Jis dov leah gihtjehtimmie jallh gyhtjelassh, gaskesadth saemiedigkieraeriem Berit Marie P.E. Eira, +47 913 28 626, berit.marie.eira@samediggi.no

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!