PRM: Joekoen krïevije budsjedtebarkoe

Saemiedigkieraerie lea raeriestimmiem budsjedtese 2020 dorjeme.  Saemiedigkieraerie Henrik Olsen lea håjnan ihke dej lij ajve mandaate giehpiedidh. – Daan jaepien reerenasse lea nænnoestamme mennie suerkine mijjieh edtjebe barkedh, mearan Saemiedigkie lea åådtjeme nænnoestidh gusnie mijjieh edtjebe giehpiedidh saemien siebriedahkesne, saemiedigkieraerie Henrik Olsen jeahta.

Sametingsråd Henrik Olsen.JPG

Henrik Olsen (foto: Åse M.P. Pulk/Sámediggi)

Ođas | Almmuhuvvon

– Daan jaepien budsjedtebarkoe lea joekoen krïevije orreme, dan åvteste mijjieh libie stoerre realgiehpiedimmiem mieresne staateste åådtjeme. Doh gellie hijven skraejrieh jïh åssjelh mah lin byöreme dåarjoem åadtjodh budsjedtesne, joekoen kultuvresuerkien sisnjelen, ibie buektehth loetedh 2020-budsjedtesne, dan åvteste mijjen realgiehpiedimmie lea 12 millijovnh kråvnah, Olsen jeahta.

Saemiedigkien lissiehtimmie reerenassen raeriestimmesne staatebudsjedtese lij vierhtieh mah edtjin åtnasovvedh vihties åssjelidie jïh mej bïjre Saemiedigkie tjuara departemeentine rååresjidh. Saemiedigkie lea 13 000 000 kråvnah åådtjeme juktie Vaajmoegïeline guhkiebasse barkedh jïh 1 000 000 kråvnah Saemiedigkien barkose irhkeminie. Daate lea råajvarimmieh mejtie Saemiedigkie sæjhta prioriteradidh daan jaepien budsjedtesne.

– Saemiedigkieraerie reerenassen sjïere mïerhkeme vierhtieh bæjjese fulkieh, mah edtjieh saemien gïelh nænnoestidh. Mijjieh 13 millijovnh kråvnah læjkobe juktie Gïelelutnjemem bæjjese fulkedh, mij sæjhta gïelebarkoem gelline suerkine nænnoestidh, Olsen jeahta.

Raeriestimmesne staatebudsjedtese 2020 Saemiedigkie  0,3 % baalhkalissiehtimmiem åådtje. Dejtie jeatjah bielide staatebudsjedteste 3 % baalhkalissiehtimmie våaroemasse bïejesåvva. Saemiedigkieraerie göökte gåalmahtassh sov budsjedteste dåarjojne dåårje saemien intstitusjovnide, saemien siebriedahkide jïh årroejidie saemien dajvine. Daate låhkoe ij leah åasasjïehtedamme staatebudsjedtesne. Daate stoerre konsekvensh saemien siebriedahkese vadta gosse institusjovnh goh saemien maanagïerth, gïelejarngh, saemien museumh jïh teaterh eah åadtjoeh sijjen daan beajjetje gïehtelimmiem tjåadtjoehtidh jïh buerebh edtjieh giehpiedidh.

– Dan mierien gaavhtan, maam mijjieh reerenasseste åådtjeme realgiehpiedimmine 12 millijovnh kråvnine, budsjedtebarkoe lea krïevije orreme. Baalhka- jïh åasalissiehtimmien gaavhtan, maam mijjieh raeriestibie 0,6 % Saemiedigkien politihkeles jïh reereles barkose, jïh aaj mijjen staeries dåarjoedåastoejidie, vueliehkåbpoe lissiehtimmie gaajhkesidie sjædta, goh veanhtede baalhka- jïh åasalissiehtimmie 2020 sjædta. Daate sæjhta jiehtedh gåhkoe saemien jïh nöörjen siebriedahken gaskem lissehte dejnie jeanatjommes suerkine, jïh nåakemes sjædta saemien siebriedahkese, Olsen jeahta.

Saemiedigkieraerie stoerretjåanghkoen gïetedimmiem lidteratuvren bïjre bæjjese fulkie gaskem jeatjah produksjovnem saemien lidteratuvreste nænnoestidh 5,1 millijovnh kråvnajgujmie, jïh lidteratuvrebievnijebarkoeh tseegkedh åarjel- jïh julevsaemien dajvesne, jïh Olsen geerjene vïjhte gærjabussh jåerhkieh dåarjojne Saemiedigkeste.

Stoerretjåanghkoe edtja Saemiedigkien budsjedtem 2020 nænnoestidh goeven. 

Jis gihtjehtimmiem sæjhta maahta saemiedigkieraeriem Henrik Olsen gaskesadtedh, tell. 907 75 219.

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!