Gïeleprijse juakasåvva aajne almetjidie jallh åårganisasjovnide Nöörjesne, Sveerjesne, Såevmesne jallh Russlaantesne gïeh saemiengïelen evtiedimmien åvteste berkieh.

Ministerh saemien gyhtjelasside Nöörjeste, Sveerjeste jïh Såevmeste ektine saemiedigkien presideentigujmie Nöörjeste, Sveerjeste jïh Såevmeste leah GULLIEGÏELE – Noerhtelaanti saemien gïeleprijsem tseegkeme. Gïeleprijse juakasåvva fïerhten mubpien jaepien jïh voestes aejkien juakasovvi jaepien 2004. Gïeleprijsen stoeredahke lea 15 000 euro.

Gïeleprijsen ulmie

Gïeleprijse edtja saemien gïelem Nöörjesne, Sveerjesne, Såevmesne jïh Russlaantesne evtiedidh jïh gorredidh.

Gie maahta prijsem åadtjodh?

Gïeleprijse juakasåvva aajne almetjidie, dåehkide, åårganisasjovnide, siebride jïh institusjovnide mah leah åajvoehlaakan tjaaleldh-, njaalmeldh- jallh jeatjhlaakan barkeme saemien gïelen evtiedæmman. Maahta prijsen beetnegh juekedh jienebe goh akte vïtnijasse.

Raeresth kandidaath!

Aajne almetjh, åårganisasjovnh, institusjovnh jïh byjjesfaamoeh Nöörjesne, Sveerjesne, Såevmesne jïh Russlaantesne maehtieh kandidaath raeriestidh. Raeresth tjaaleldh bihkehtsinie mij jeenjemes 2 sæjroeh.

Minngemes biejjien raeriestidh lea 9-n b. skïereden. Dam nimhtie gaskesadth:

Gollegiella - bedømningskomiteen  
SAMI, Kommunal- og moderniseringsdepartementet,
Postboks 8112 Dep, 0032 Oslo, Norway
Tel: +47 22 24 68 46
e-mail: postmottak@kmd.dep.no

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!