Ållesth 13 ohtsemh lin sïjse båateme, jïh saemiedigkieraerie lea 3,2 millijovnh kråvnah dåarjojne vadteme saemien lidteratuvreproduksjovnese. Gaajhkh ohtsemh dan åvteste dåarjoem jïjtsh prosjektese åadtjoejin.

– Joekoen sjollehke maehtedh dåarjoem vedtedh gaajhkide ohtsemidie aktene öörnegisnie. Daate akte prioriteradimmie saemiedigkieraerien bieleste gosse mijjieh prioriteradimmiem vierhtijste jarkelamme daelie jaepien minngiegietjesne, saemiedigkieraerie Henrik Olsen jeahta.

Orre saemien tjaelijh

Saemiedigkieraerie lea gaskem jeatjah Čális fal-tjaelijestudijen antologijem dåårjeme jïh Sámi girjiečálliidsearvin antologijem sov 40 jaepien-heevehtimmien sjïekenisnie 2019.

– Mijjieh jienebh orre saemien tjaelijh daarpesjibie jïh manne geerjene ihke tjaelijestudijen antologije bæjhkoehtamme sjædta mubpien jaepien. Seamma tïjjen vihkeles tjïertestidh mijjieh joe gellie væjkeles saemien tjaelijh utnebe, jïh daate gellievoete vååjnesasse båata Sami girjiečálliidsearvin antolgijesne, Olsen jeahta.

Noerhtesaemien noerh maehtieh aaj aavoedidh populærlidteratuvrem jïjtsh gïelesne lohkedh, dan åvteste vierhtieh leah vadtasovveme jarkoestæmman voestes gærjeste raajrosne Hunger Games. Lissine dåarjoe lea vadtasovveme orre maanagærjide jieniebinie dejstie saemien gïelijste, faagegærjah, jarkoestimmieh, tjoejegærjah jïh antologijh.

Jarkelimmieh bertemedåarjosne

Saemiedigkie lea såemies jarkelimmieh dorjeme bertemedåarjosne saemien bertemidie, man bïjre tjoeri syökedh aarebi. Daelie dåarjoe dejtie stööremes saemien bertemidie jeatjahtovveme akten ryöktesth dåarjose, mij aaj produksjovnedåarjoem feerhmie. Daate dorjesovveme latjkoen mietie SALAS:inie, saemiedigkieraerie soptseste.

– Daate sæjhta jiehtedh bertemh mah ryöktesth dåarjoem åadtjoeh enn vielie maehtieh jïjtjh veeljedh jïh prioriteradidh mah gærjah dah sijhtieh darjodh. Daate akte pryöveoörnege mij vaasa 3 jaepieh jïh maam edtjieh jaabnan evalueradidh. Dïhte ohtsemebaseradamme öörnege produksjovnese lidteratuvreste lea dan åvteste ræhpas ohtsedh dejtie jeatjah bertemidie jallh sïeltide mah eah ryöktesth dåarjoem åadtjoeh bertemegïehtelæmman. Dan åvteste sagke vaenebh ohtsemh båateme daan jaepien, Olsen jeahta.

Mubpie ohtsememierie dåarjoeöörnegasse Produksjovne saemien lidteratuvreste lea njoktjen 1. b. 2019

Gyhtjelassh jïh gihtjehtimmie: Saemiedigkieraerie Henrik Olsen, tell. +47 907 75 219

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!