Saemiedigkieraerie Mikkel Eskil Mikkelsen lea joekoen geerjene ihke daate barkoe mij lea dorjesovveme juktie  saemien skïemtjesåjhtereööhpehtimmine nïerhkedh, daelie vååjnoe goh illedahkh vadta.

IMG_E3510.JPG

Saemiedigkieraerie Mikkel Eskil Mikkelsen

Åse M.P. Pulk/Sámediggi

– Daate sæjhta akte stoerre lutnjeme årrodh saemien siebriedahkese, Mikkelsen jeahta.

Faalenasse edtja vadtasovvedh akten laavenjostoen tjïrrh UiT Nöörjen arktiske universiteeten jïh Saemien jïlleskuvlem gaskem, jïh sæjhta 25 bielietïjjen studijesijjieh tjeekedh. Lissine daejtie studijesijjide, reerenassekrirrieh jïh KrA sijhtieh vierhtieh vedtedh evtiedimmieåaside Saemien jïlleskuvlese juktie daam studijem tseegkedh. Tjåanghkan daate ovrehte 2 millijovnh kråvnah 2019.

Mikkelsen Saemien jïlleskuvlem jïh UiT Nöörjen arktiske universiteetem garmerde dej væljoen åvteste ektesne daam saemien skïemtjesåjhtereööhpehtimmiem prioriteradidh.

– Daan tjïrrh dah rïektesisnie vuesiehtieh dah sijjen siebriedahkedïedtem saemien siebriedahken åvteste itjmieslaakan vaeltieh, Mikkelsen jeahta.

Jis gihtjehtimmiem sïjhth gaskesadth Mikkel Eskil Mikkelsen, mob. +47 917 42 161

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!