PRM: Aerpievuekien vuelien lea stoerre ïedtje

Saemiedigkieraerie 1 442 740 kråvnah vadta bæjhkoehtæmman vueleste jih saemien musihkeste. Luhkie ohtsemijstie mah dåarjoem åådtjeme, tjïjhtje ohtsemh leah bæjhkoehtimmien bïjre aerpievuekien vueleste.

Ođas | Almmuhuvvon

Daate lea voestes aejkien Saemiedigkie dan gellie ohtsemh åådtjeme bæjhkoehtimmien bïjre aerpievuekien vueleste, naakede maam Henrik Olsen tuhtjie lea joekoen sjollehke. Daate vuesehte ïedtje aerpievuekien vuelien bïjre lea stoerre.

– Saemiedigkie åtna vihkeles bæjhkoehtimmiem aerpievuekien vueleste dåarjoehtidh, jih dan gellie bæjhkoehtimmiejgujmie sæjhta joekehtsh jih sjïerevoeth vuelien aerpievuekesne hijvenlaakan vïhtesjadtedh. Bæjhkoehtimmieh sijhtieh stoerre aarvoem utnedh dovne kultuvre- jih musihkehistovrijes, Olsen jeahta.

Ulmie bæjhkoehtimmiejgujmie lea hijven saemien musihkem eevtjedh maam jeenjesh maehtieh dååjredh.

Orre ohtsememierie daan tjaktjen

Daan jaepien Saemiedigkie 2,5 millijovnh kråvnah lyjkeme juktie vueliem jih saemien musihkem bæjhkoehtidh. Beetnegh göökte ohtsememierieh utnieh jih mubpie ohtsememierie lea rïhkeden 1. b. 2019. Saemiedigkie lea joe gyhtjelassh mubpien ohtsememierien bïjre åådtjeme.

– Mijjieh gegkiestibie gellie hijven ohtsemh aaj mubpien aejkien båetieh.

Olsen jeahta dïhte ohtsemebaseradamme öörnege bæjhkoehtæmman vueleste jih saemien musihkeste lea joekoen vihkeles saemien musihkeridie.

– Öörnege maahta akte stoerre viehkie årrodh saemien musihkeri nuapan jienebh goltelæjjah jaksedh, Olsen jeahta.

Jis gyhtjelassh jih gihtjehtimmie, gaskesadth saemiedigkieraeriem Henrik Olsen, tlf +47 907 75 219

Bijjieguvvie dåarjoej bijjeli EXCELL | 13.891 kB

Fant du det du lette etter?

Hva lette du etter? Din tilbakemelding hjelper oss ålage bedre nettsider.

Takk for din tilbakemelding!